No Image
No Image

TuranBank yeni yaşını qeyd edir - 29 il

TuranBank yeni yaşını qeyd edir - 29 il
Azərbaycan bank sektorunda dayanıqlılığı ilə seçilən, müştərilərin sevgisini, etibarını və rəğbətini qazanan, biznesdə etibarlı tərəfdaş imicini qoruyub saxlayan TuranBank fəaliyyətinin 29-cu ilini qeyd edir.

Bank 29 illik fəaliyyəti ərzində bir çox yeniliklərə, uğurlara imza atmış, kiçik və orta sahibkarlara dəstək olmaqla ölkədə özəl sektorun inkişafına öz töhfəsini vermiş, rəqəmsal bankçılığın yaratdığı imkanlardan maksimum faydalanmaqla müştərilərin bank xidmətlərindən daha rahat, operativ və təhlükəsiz istifadəsini təmin etmişdir. Fəaliyyətində peşəkarlıq, etibarlılıq, məsuliyyət, keyfiyyət və yüksək korporativ mədəniyyət meyarlarını rəhbər tutan TuranBank geridə qoyduğumuz illər ərzində öz sabitliyini qoruyub saxlamış, biznes subyektlərinin maliyyələşməsi sahəsində öz mövqeyini daha da gücləndirmiş, istər fərdi, istərsə də korporativ müştəri bazasını genişləndirməyə müvəffəq olmuşdur.


Pandemiyanın təsiri ilə baş vermiş müxtəlif çətinliklərə baxmayaraq TuranBank uğurlu fəaliyyətini davam etdirərək Azərbaycan bank sektorunda özünəməxsus yerini, etibarlı maliyyə qurumu imicini qoruyub saxlamışdır. Son illər ərzində maliyyə bazarının aktiv bir iştirakçısı kimi müvəffəqiyyətlər əldə edən Bankımızın hal-hazırda cəmi aktivləri 623,7 milyon manat, kredit portfeli 366,1 milyon manat, depozit portfeli 316,1 milyon manat, nizamnamə kapitalı 80 milyon manat, məcmu kapitalı isə 87,5 milyon manat təşkil edir. Bu gün 17 satış nöqtəsində 110 mindən çox fiziki və hüquqi şəxsə xidmət edən TuranBank ayrı-ayrılıqda hər bir müştərinin tələbatını tam ödəməklə onlara rahat və keyfiyyətli xidmət, çevik və rəqabətqabiliyyətli şərtlərə malik məhsul təklif edən, cəmiyyətin sosial həyatında aktiv iştirak edən maliyyə qurumu kimi tanınmaqdadır.


TuranBank son dövrlərin əsas çağırışlarından biri olan real sektorun dəstəklənməsi istiqamətində də aktiv fəaliyyətini davam etdirir. 29 illik fəaliyyəti ərzində Bankımız həm öz vəsaitləri, həm də xaricdən cəlb edilən vəsaitlər hesabına daim real sektora dəstək olmuş, sahibkarlıq subyektlərinin maliyyə vəsaitlərinə əlçatanlığını genişləndirmiş və nəticədə ölkə iqtisadiyyatının inkişafına öz töhfəsini vermişdir. Ötən illər ərzində TuranBank yerli qurumlardan Sahibkarlığın İnkişafı Fondu (SİF), Aqrar Kredit və İnkişaf Agentliyi (AKİA), həmçinin nüfuzlu beynəlxalq maliyyə təşkilatları olan Beynəlxalq Maliyyə Korporasiyası (İFC), Avropa Yenidənqurma və İnkişaf Bankı (EBRD), Qara Dəniz Ticarət və İnkişaf Bankı (BSTDB), ECO Ticarət və İnkişaf Bankı (ECO TDB), EMF Mikromaliyyə Fondu, ABŞBeynəlxalq İnkişaf Agentliyi (USAID), Özəl Sektorun İnkişafı üzrə İslam Korporasiyası (ICD) və s. ilə kiçik və orta sahibkarlıq layihələri üzrə birgə əməkdaşlıq çərçivəsində qeyri-neft sektorunun inkişafına ciddi dəstək olmuşdur. Fəxr hissi ilə qeyd etmək istərdik ki, xaricdən cəlb edilən vəsaitlər beynəlxalq tərəfdaşlarımızın bizə olan etibarının bir sübutudur.

 

Fəaliyyət göstərdiyi müddətdə TuranBank hər dövrün tələbinə uyğun rəqəmsal məhsullar təklif edən yenilikçi bank kimi müştərilərin rəğbətini qazanmışdır. Rəqəmsallaşmanın imkanlarından daha çox yararlanmağa çalışan TuranBank xidmət səviyyəsini və keyfiyyətini yüksəltmək, fəaliyyətinin effektivliyini artırmaq məqsədilə rəqəmsallaşmaya sürətli keçid etmiş, rəqəmsal bank məhsullarını daim yeniləyərək daha da təkmilləşdirmişdir. Ötən il ərzində Bank özünün yeni rəqəmsal xidməti olan mobil tətbiqini, tamamilə yenilənmiş internet bankçılıq sistemini müştərilərin istifadəsinə vermişdir.


Bank bütün fəaliyyəti ərzində cəmiyyət qarşısında sosial məsuliyyət prinsipinə sadiq qalmışdır. Bankın imza atdığı sosial layihələr də bunun sübutudur. 29 illik fəaliyyəti ərzində TuranBank sosial müdafiəyə xüsusi ehtiyacı olan aztəminatlı ailələrə, işsizlərə, ölkəmizin ərazi bütövlüyünün qorunması və torpaqlarımızın düşmən işğalından azad edilməsində əsl qəhrəmanlıq dastanı yazmış qazi və şəhidlərimizin ailələrinə dəstək olmuş, bununla əlaqədar müvafiq maliyyə və insan resurslarını səfərbər etmişdir. Vətənpərvərlik və sosial məsuliyyətlilik dəyərlərinə sadiq qalanTuranBank bundan sonra da ərazi bütövlüyümüzün müdafiəsi ilə əlaqədar yaralananların və şəhid ailələrinin sosial təminatına dəstəyini davam etdirəcəkdir.


Əsas hədəfimiz qarşıdan gələn illərdə daha yüksək nailiyyətlərə imza ataraq keyfiyyətli xidmətlər təklif etməklə etibarlı bank fəaliyyətini davam etdirmək, müştərilərin etibarlı tərəfdaşı imicini qoruyub saxlamaqdır.

 

Sonda TuranBank adından 29 il ərzində qazanılmış uğurlarda payı olan hər kəsə dərindən təşəkkür edir və ötən illərdə əldə etdiyimiz nailiyyətlərdən ilhamlanaraq qarşıdan gələn dövrdə də uğurlarımızı davam etdirəcəyimizə və həyata keçirdiyimiz hər bir layihədə müştəri və tərəfdaşlarımızın keyfiyyət gözləntilərini aşacağımıza əminliyimizi bildiririk.

Sehliyali
Turan Bank

OXŞAR XƏBƏRLƏR

Unibank müştəriləri üçün yeni bir xidmət təqdim edir

Leobank –bütün bank xidmətlərini və məhsullarını özündə birləşdirən "Unibank”ın bir mobil bankçılıq xidmətidir. İnnovativliyi və çoxfunksionallığı ilə seçilən b...

Azərbaycan nefti bahalaşmaqda davam edir

Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,22 ABŞ dolları, yaxud 0,3% artıb. Sfera.az xəbər ...

Yelo Bank-dan 10 milyondan artıq mənfəət

Yelo Bank 2021-ci ilin ikinci rübü üzrə maliyyə hesabatını açıqladı. Ötən rüb olduğu kimi, bu rüb də Bankın əsas maliyyə göstəriciləri üzrə pozitiv dinamika m...

Azərbaycan və Rusiya təbii qazın mövsümi mübadiləsi sahəsində əməkdaşlıq edəcək - VİDEO

Azərbaycan və Rusiya təbii qazın mövsümi mübadiləsi sahəsində əməkdaşlıq edəcək. Müvafiq müqavilə "Azərkontrakt” və "Qazprom” qrupu arasında imzalanıb. "A...

Azər Türk Bank ikinci rübü mənfəətlə başa vurdu

Dövlət bankı Azər Türk Bankın 01 iyul 2021-ci il tarixinə aktivləri 335,4 milyon manat səviyyəsində olmuşdur. Bankın kredit portfelinin həcmi 174,5 milyon man...

Unibank birinci yarımili mənfəətlə başa vurub

"Unibank” KB ASC 2021-ci ilin 1-ci yarımilinin maliyyə nəticələrini açıqlayıb. Bank hesabat dövrünü əksər sahələrdə müsbət göstəricilərlə başa vurub. Bu ilin ...